Oqarasuaatit NMT-t aappaagu atorunnaassapput

novembarip 21-at 2006 10:48

Oqarasuaatit angallattakkat NMT-it maajip 31-ani aappaagu atorunnaarsinneqassapput. NMT-it, nunatsinni 1992-imili atulersut, nunani avannarlerni oqarasuaatit angallattakkat atorneqaleqqaarmata siullersaallutik atorneqalerput. Taakku attaveqaataat ima pisoqalisimatigaat allaat taartissaannik pisiniartoqarsinnaanani. Taamaattumik NMT-inut attaveqaat matuniarlugu TELE aalajangerpoq.

Angallattakkanik oqarasuaatillit amerlanersaasa GSM atorpaat. Illoqarfinni nunaqarfinnilu tamani, 70-it sinnerlugit inoqarfiusuni, GSM atorneqarsinnaavoq. NMT-inut attaveqaatit sinerissamiitut GSM-ip attaveqaataanik TELE-p maanna taarsersorpai, tamatuma kingunerisaanik GSM atorlugu attaveqartarneq pitsanngorsarneqassaaq.