Oqarasuaatit angallattakkat qinngorneri eqqaamasinnaanermut akornusiisarput

Teriarsuit qinngornernik oqarasuaatinit angallattakkaneersunit sapaatip akunneranut nalunaaquttap akunnerini marlunni qinngorfigisaraanni, taava eqqaamasinnaanertik ajornartorsiutigilersarpaat, Sverigimi Lund Universitetimi nutaamik misissuinikkut tamanna paasineqarpoq.

Sapaatip akunnerini 55-ini teriarsuit aalajangersimasut oqarasuaatit angallattakkat qinngornerinit ullut tamaasa qinngorfigitinneqartarput, taamaalillutik sapaatip akunneranut katillugit nalunaaquttap akunnerini marlunni qinngorfigitinneqartarlutik, tamatuma kingornagut teriarsuit allat qinngornernik misileraaffigineqanngitsut peqatigalugit assigiinngitsunik misileraatinneqartarput.

Paasisallu paatsuugassaanngillat. Teriarsuit oqarasuaatinit angallattakkanit qinngorfigineqartartut qisumernit aalajangersimasut ilisariniarnerat ajornakusoortinneruaat, teriarsuilli qinngorfigineqanngitsut tamanna ajornartorsiutiginagu.

- Uumasuni oqarasuaatinit angallattakkanit qinngorfigineqartartuni misileraaffigisatsinni qaratsakkut arlaatigut pisoqartartoq paasivarput. Tulliullugulu sooq taama pisoqartarnersoq paasiniartussanngorparput, Henrietta Nittby, Sverigimi Lund Universitetimeersoq, misissuinermik ingerlatsisuusoq oqarpoq.

Tassa eqqaamasinnaanerit ajornartorsiutigigukku immaqa oqarasuaammik angallattakkamik oqaloqatiginnippallaartarputit.

Henrietta Nittbyp maanna oqarasuaammik angallattakkamik oqaluussisarnini allanngortereersimavaa, maannami oqarasuaatini angallattagaq tusartaataasalerlugu taamaallaat atortalerpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat