Oqarasuaatit angallattakkat bakteriaqarnerpaapput

Isumaqaruit anartarfik tassaasoq napaatinik tunillaassuinerpaaq, kukkuvutit. Bakteriaqarnerpaarmigooq tassaavoq oqarasuaat angallattagaq, taannamigooq aqqutigalugu bakteriat navianartut stafylokokkit tunillaassuussinnaapput.

Aviisi ullaakkut saqqummersartoq Dato allappoq.

Ulluinnarni atortakkat bakteriaqarsinnaanerinik misissuinerup nutaap, oqarasuaatinik angallattakkanik nioqquteqartartup, Dial-a-Phone-ip ingerlassimasaata, takutippaa oqarasuaatit angallattakkat bakteriaqarnerpaasut.

Eqqumiigigukku inuusuttuaraajunnaareeraluarlutit kiinnanni tinupasuararpassuaqarlutit, aseruunnernilluunniit arlaannik peqarlutit, oqarasuaatit angallattagaq spritimik immaqa salittariaqalersimassavat.

- Bakteriarpassuit assanniit oqarasuaammut ingerlaqqittarput. Bakteriat taakku stafylokokiunerupput, taakkulu tinupasunitsitsisarput aseruunnernillu allanik pilersitsisarlutik, napparsimmavissuarmi Rigshospitalimi nappaatinut tunillaattartunut misissuisarfimmi immikkoortortaqarfimmi nakorsaaneq Leif Percival Andersen oqarpoq.

Misissuinerni siusinnersukkut pisuni paasineqareerpoq, oqarasuaatit angallattakkat 85 procentii assorsuaq bakteriaqartuusut.