Oqarasuaatit angallattakkat akiliissutitut atornerujartorpaat
Oqarasuaatit angallattakkat aningaaserivimmi kontutut akiliissutitullu atorneqarmata, Afrikamiut aningaasanik nuussiniaraangamik, aamma aningaasanik amerlanngikkaluanik, oqarasuaatiminni toortaaginnarlutik nuussisinnaasarput. Aviisi Information taama allaaserisaqarpoq.
- Inuppassuit aningaaserivimmi kontoqalernissaminnik eqqarsarsimanngisaannartut, oqarasuaatertik atorlugu imaaliallaannaq kontotaarsinnaalerput, Aida Opoku-Mensah, Naalagaaffiit Peqatigiit allaffeqarfianni aningaasarsiornikkut ineriartortitsivimmi pisortaq, oqarpoq.
- Bananit bussinut ilaatillugit inuit nassiussisarput, bussilu apuukkaangat oqarasuaatikkut akiliisoqartarluni. Inuit aningaasaatiminnik ilulliminnut toqqorsillutik angalasariaarupput, tassami oqarasuaatiminni angallattakkaminni toortaalaaginnarlutik akiliisinnaaleramik, Aida oqarpoq.
Aamma checkimik aningaasanngortitsiniartilluni imaluunniit akiligassanik akiliiniartitilluni siuleriiaarpassuarni sivisoorsuarmik siornatigut utaqqisarneq maanna sekuntialunnguaannarni pisinnaanngorpoq, aamma ungasissorsuarmiikkaluaraanniluunniit.
