Oqarasuaatikkut siunnersuisarfik Tusaannga ulloq unnuarlu sianerfigineqarsinnaalissaaq
Artorsaateqaruit kiserlioruilluunniit ulloq unnuarlu ikiorneqarnissannut periarfissaqalissaatit.
Oqarasuaatikkut sianerluni siunnersuisarfik Tusaannga ulloq unnuarlu februaarip ulluisa qulinganiit ammasalissaaq.
Meeqqanut Inuusuttunut ilaqutariinnllu naalakkersuisoqarfik tusagassiuutinut nalunaaruteqarluni taama allappoq.
Oqarasuaatikkut sianerluni saaffiginnittarfimmut Tusaanngamut sianertartut amerlassussaasa takutippat siunnersorneqarnissamut pisariaqartititsineq annertusoq .
Innuttaasut 3.826-it Tusaangamit ikiorneqarnissaminnik pisariaqartitsillutik siorna sianerput
Ukiup siulianut sanilliullugu 48 procentinik amerlanerullutik.
Isumaginninnermut Aqutsisoqarfimmit oqaatigineqartoq naapertorlugu saaffiginnittut 10 procentiisa missaat imminut toqunnissamut tunngasuusartut.
Oqarasuaatikkut siunnersortinnissap imaluunniit oqaloqateqarnissap pisariaqassusia tamanna takutippaa
Meeqqanut, inuusuttunut, Ilaqutariinnut Peqqissutsimullu naalakkersuisoq Mimi Karlsen tusagasssiuutinut nalunaarummi ima oqarpoq.
- Ikiorneqarniaraanni nalunaaquttap qanoq ilinera aalajangiisuusussaanngitsoq pillugu inuusuttut oqariartuutaat matumani tusaassallugu pingaaruteqarsimavoq. Eqqarsaatit aamma misigissutsit artornartut nalunaaqutaq malillugu ingerlasanngimmata tamatta nalunngilarput. Paarlattuanik inuusuttuulluni inuk tusarnaarnissaminut piareersimasoq pisariaqartitsinermi attaveqarfigineqarsinnaassaaq. Tusaanngap ulloq unnuarlu ammasalernerani tamanna naammassisinnaalissavarput, Mimi Karlsen taama oqarpoq.
Februaarip ulluisa qulingani Tusaannga ulloq unnuarlu ammasalissaaq.
Tusaanngami siunnersortit 80 11 80-mut uterpara 80 11 80-mut sianerfigineqarsinnaapput aamma SMS-ikkut allaffigineqarsinnaapput normut 18 99-mut nassitsilluni.
