Oqarasuaatikkut oqaloqatigiinnerit marserneqartalissanerlutik

Apeqqut tamanna Savalimmiormiup Folketingimut ilaasortap Høgni Hoydalip ippassaq danskit inatsisinik atortitsinermut ministeriannut Lene Espersenimut apeqquteqaatigaa.
Allattoq Elisa Isaksen
septembarip 18-at 2007 07:20

Ingerlatseqatigiiffiit Teletut ittut aamma internitsikkut atassusiisartut Savalimmiuni aamma Kalaallit Nunaanni inuit oqaloqatigiinneri toqqortassavaat nalunaarsortarlugillu, taamaalillutik politiinit sukkulluunniit tusarnaarneqarsinnaanngortillugit?

Apeqqut tamanna Savalimmiormiup Folketingimut ilaasortap Høgni Hoydalip ippassaq (ataasinngornermi) danskit inatsisinik atortitsinermut ministeriannut Lene Espersenimut apeqquteqaatigaa.

Peqarniisaarnianut akiuunnermi Danmarkimi tamanna piumasaqaataalerpoq, qulanarporli taamatut pisinnaatitaaneq Kalaallit Nunaanni Savalimmiunilu aamma atuutsinneqassanersoq, tassami inatsit tassunga tunngasoq nunat taakku marluk inatsisartuisa suli oqaluuserinngimmassuk, Høgni Hoydal allappoq.

Peqqarniisaarnianut akiuunnermi iliuusissat Folketingimi eqqartorneqaqqaarneranni Høgni Høydalip apeqqut tassunga tunngasoq qaqippaa, maannamulli suliap qanoq pineqarnissaa aalajangiivigineqanngilaq.

Høgni Høydalip ujartugaa tassaavoq,

danskit nalunaarusiaat eqqartuussisarnermut inatsimmut tunngasut

Kalaallit Nunaanni Savalimmiunilu siunissami qanoq periuseqarfigineqassanersut.