Oqarasuaat angallattagaq atorlugu internetertartunut nutaarsiassatsialak

Mobilikkut interneterup 30 procentimik akikillineqarnissaanut
Tele-Postip apriilip 29-ani qinnuteqaataata Namminersorlutik
Oqartussanit akuerineqarnerata kingorna Mobildata
akikillineqarsinnaanngorpoq.

Tele-Post tusagassiutinut nalunaarummi taama allappoq.

Mobili atorlugu interneternermut aki Mega Byte-imut ataatsimut 2
koruunit 50-it oorinit Mega Byte-imut ataatsimut 1 koruuni 75-it oorinut
akikillissaaq, Tusass-illit GSM-illillu akinik appaaffigineqassallutik.

Mobildata300-mut qaammammut 300-t koruuninik akilimmut tunngatillugu
Mega Byte-it ilanngussat maannakkut 300 MB-it 500 MB-nut
qaffanneqassasut, Tele-Postip nalunaarutigaa.

Ataatsimoortuni taakkunani Mega Byte-imut ataatsimut akimik appaaneq
taamaammat 40-t procentiussaaq, tassa Mega Byte-imut ataatsimut aki 1
koruunimit 60 oorinut appartinneqassammat.