Oqaluttuarisaanerput paasisaqarfigissallugu soqutigisorujussuuarput

Nittartagarmi nutaaq Inuiaat Isaat filmiliatoqqanik isiginnaarfiusinnaasoq Nunatsinnimi assorsuaq soqutigineqarpoq.

To kajakroere eskorterer kongeskibet Dannebrog ud af Uummannaq havn efter kongebesøget i 1960

Allattoq Inge S. Rasmussen

juulip 02-at 2015 12:59

Nutserisoq Erna Lynge

Anorak Filmimik piginnittuusut Filmitoqqanik toqqorterivimmik elektroniskiusumik aamma pilersitsisuusut Emilie Hertling Péronard aamma Inuk Silis Høegh tamanna paasinnipput.

Inuiattut ullorsiornitsinni juunip 21-ianni filminik alakkarteriviup atulerneraniit maannamut inuit 6000-it alakkarteriffigisimavaat.

Alakkarterisulli amerlassusaat allaavoq.

Aamma atuaruk Filmitoqaasivik nutaaq

Allaavorlu filminik soqutiginnillutik alakkarterisut qanoq sivisutigisumik nittartagaq isersimaffigisarneraat.

Tassani kisitsisit takutippaat Inuiaat Isaannik alakkarterisut pineri tamaasa minutsit qulit sinnerlugit nittartakkami isersimasartut.

Google Analytics naapertorlugu kisitsisit tupaallannartuupput, nittartakkat to procentii agguaqatigiisillugu minutsit tallimat sinnerlugit isersimaffigineqartartut, Emile Hertling Péronard tusagassiuutinut allappoq.

- Kisitsisit Google Analyticsineersut Nunatsinni malugisarput uppernarsarpaa, tassalu oqaluttuarisaanerput paasisaqarfigissallugu assorsuaq soqutigigipput, Emile Hertling Péronard oqarpoq.

Aamma atuaruk Kulturikkut nersornaat Inuk Silis Høeghimut tunniunneqarpoq

Assilisanik toqqorsivik alakkarterneqarsinnaasoq maannamut inuit namminneq assilisarisimasaat akunnernik 18-nik sivisussusillit imarai, tamakkulu filmip Sume'p suliarinerani pissarsiarineqarsimapput.

Filmit oqaluttuarisaanermut pingaaruteqartut suli saqqummersinneqanngillat. Maannakkorpiaq nittartakkamik siunissami aallussisussamik Anorak Film suleqatissarsiorpoq.

Filmitoqqanik toqqorterivik uani misissuataarsinnaavat.