Katinnerat naligiissitaanermut pisinnaatitaaffinnut atatillugu nalliuttorsiorfittut Amnestyp Irland Avannarlermi immikkoortortaqarfiata oqaatigigaa, dr.dk-p allaaseraa.Assi: Phil Noble/Reuters/Ritzau Scanpix

Oqaluttuarisaanermut ilannguttut: Irland Avannarlermi arnat aappariit suiaqatinoortut katittut

Irland Avannarlermi qanganitsanik pingaartitsisumi arnanik aappariinnik suiaqatinoortunik siullerpaamik katittoqarpoq.

Sharni Edwards Robyn Peoplesilu Irland Avannarlermi arnani suiaqatinoortartuni katittuni siullersaapput.

- Nunatta oqaluttuarisaaneranut ilanngunnissarput takorloorsimanngilarput. Asanniliinnarpugummi, katerlaaq 27-nik ukiulik, Sharni Edwards, oqarpoq.

- Katinnitta Irland Avannarlermi naligiissitaanermut pisinnaatitaaffiit sorsuutigineqanerannnut atatillugu immikkut ittumik nalliuttorsiutigineqarnera tulluusimaarutigaarput, Sharni Edwardsip ilanngullugu oqaatigaa.

Tuluit Nunaata sinneranut qanilliallaqqittoq

Katinnerallu naligiissitaanermut pisinnaatitaaffinnut atatillugu nalliuttorsiorfittut Amnestyp Irland Avannarlermi immikkoortortaqarfiata oqaatigigaa, dr.dk-p allaaseraa.

Suiaqatiminoortartut katissinnaanissaannut inatsit Tuluit Nunaata inatsisartuisa siorna juulip qaammataani akueraat, Irland Avannarlermiullu inatsimmik allanngunissamut siunnersuuteqarnissaminnut oktobarip ulluisa 21-ata tungaanut periarfissaqarsimagaluarput, taamaalioratilli.

Irland avannarleq taamaalilluni Tuluit Nunaata sinneranut - Irland Avannarlermiut siuiaqatiminoortartunut assuarinninnerat pillugu isornartorsiuisimasumut - qanilliallaqqippoq.

Irland Avannarliup Tuluit Nunaannut naleqqiulluni upperisamik qanganitsanillu pingaartitsinerusuunini ilisimaneqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat