Oqaluttuarisaaneq pillugu unammisitsinermut 5.-10.-klassit peqataasinnaasut

Unammisitsinermik Historiedystenimik aaqqissuisoq tassaavoq Det Nationalhistoriske Museum Frederiksborg Slotimiittoq, Nunatsinnilu 5.-9.-klassit peqataanissaminnut periarfissaqarput. Unamminerup immikkoortua siulleq septembarip 19-ianit 22-anut pissaaq, tassanilu Nunatta Danmarkillu attaveqaqatigiinnerat sammineqassaaq. Unammisitsisussat tusagassiorfinnut nalunaaruteqarlutik taama allapput.

Atuartut ilisimasatik tunngavigalugit multiple-choice atorlugu unammissapput. Atuaqatigiillu pingasut ingerlalluarnerpaasut anngunniunnermut ingerlaqqissapput.

Ajugaaniutivinnermi atuartut oqaluttuarisaaneq nutaamik isumaliorlutik oqaluttuaralugu unammisinneqassapput.

Atuaqatigiillu ingerlalluarnerpaasut oktobarip 23-ani suaarutigineqassapput.

Allaaserisaq videop kingorna ingerlaqissaaq

Unammisitsinerup aallartinnginnerani atuartut ilinniartitsisuilu Historiedystenip nittartagaa isumassarsiorfigalugu piareersaateqarsinnaapput, Danmarkip nunasiaateqarnerata oqaluttuarisaanera tassani sammineqarmat.

Unammisitsinermi pinnattaassaq anneq tassaavoq Danmarkimut angalanissaq. Københavnimi misigisassarpassuit minnerunngitsumillu Det Nationalhistoriske Museum Frederiksborgimiittumut, illussaarsuarmut, angalaneq. Angallanneq, nerisassat, ineqarfik misigisassallu tamarmik akilerneqariissapput.

Soqutiginnittut ugguuna nalunaarsinnaapput.