Oqaluttuarisaaneq pillugu unammisitsinermi ajugaasut Danmarkilialersut
Nuummi Kangillinnguit Atuarfianni 7.b-t Historiedystenip Nunarput pillugu immikkoortuani unammisitsisoqarnerani ajugaapput, tamannalu pillugu Danmarkimi Frederiksborg Slotimi Det Naturhistoriske Museumimut paasisassarsiorlutik aqagu tallimanngornermi angalasussanngorlutik.
Unammisitsinermi sammineqartoq tassaavoq ”Grønland og den danske forbindelse”, Kalaallit Nunaat Danmarkimullu atassuteqarnera, Kangillinnguit Atuarfiannilu 7. B-mi atuartut sammisaminnut paasisimasaqarluarput tunniussaallu suliarilluagaalluni, Frederiksborg Slotimi Det Nationalhistoriske Museumimi pisortaq Mette Skougaard oqarpoq.
AAMMA ATUARUK Kangillinnguit Atuarfianni atuartut oqaluttuarisaaneq pillugu unammisitsinermi ajugaasut
- 7.b-kkut tikilluaqqunissaannut qilanaarpugut, maaniinnerminni nuannisarlutillu ilikkagaqarluarsinnaanissaat sulissutiginiarlutigu, Mette Skougaard oqarpoq.
7.B-kkut Christiansborgimut aamma takornariassapput, Naalagaaffiit Peqatigiit siulittaasorisimasaat Mogens Lykketoft ilaatigut naapissallugu. Lykketoft Folketingip Kalaallit Nunaannut tunngasunut ataatsimiititaliaani aamma ilaasortaavoq.
Oqaluttuarisaaneq pillugu unammisitsineq Historiedysten ukiut allortarlugit pisartussatut aaqqissuussaavoq, atuagaqatigiiaat oqaluttuarisaaneq pillugu pisortatigoortuunngikkaluamik Danmarkimi pissartanngorniunnertut ilaatigut aamma taaneqartarluni.