Oqallinneq: USA-p aningaasaqarnerput qulakkiissavaa?
![Kristian Nielsen Kristian Nielsen](/sites/default/files/styles/image_934x467/public/article_images/voxpop_til_web_subclip.jpg?itok=djmilM8I)
- Ilumut taama isumaqarsinnaanngitsoq eqqarsarpunga. Tusaaqqusaaginnarniarluni taama oqartoq isumaqarpunga, Nuuk Centerimi naapitarput Jan Nystrup oqarpoq.
USA-mit nunatsinniillu neqeroorutigineqartut assigiinngeqimmata nunani marlunni innuttaasunut atugassarititaasut assigiinngitsupilussuusut pisiniarfeqarfimmi naapitarput alla Amalie Egede isumaqarpoq.
- Maani atukkagut nakorsaatitortuusugut akiliinnguarnata nakorsaatitorpugut, akissaqarnerput akissaqannginnerpulluunniit eqqarsaatiginnguarnagu. Atuarniaruni suna tamaat akilerlugu, nakorsiaruni suna tamaat akilerlugu. Isumaqanngilanga USA-p nunarput taama akikitsigisumik tigussagaa, Amalie Egede oqarpoq.
![Amalie Egede Amalie Egede](/sites/default/files/styles/image_934x467/public/article_images/voxpop_til_web_still.jpg?itok=01jmGDqM)
USA-p politikkikkut aqutseriaasiata nunatsinni atuutilernissaa Puite Josuassenip ernummatigaa.
- Qanoq oqarnersoq tusaanngilara. Politikkimut tunngasunut ilisimasaqarpallaanngilanga, kisianni USA nunarput pillugu susassaqanngilaq. Kangerlussuarmiinnerat Pituffimmiinnerallu naammaqaaq, taakkualu saniatigut allamik pissanngillat. Taamaattoqarpat tigooraaginnalissapput taavalu USA-p aqutseriaasia nunatsinni atuutileriasaassaaq, Puite Josuassen oqarpoq.
![Puite Josuassen Puite Josuassen](/sites/default/files/styles/image_934x467/public/article_images/voxpop_puite_still.jpg?itok=qT32VBEt)
Kristian Nielsenili oqarpoq, aningaasanut tunngasut misissorluarneqarnissaat pillugu isumaqataalluni.
Aningaasanut tunngasut misissoqqissaarneqarnissaat pillugu isumaqataalluni Kristian Nielsen oqarpoq.
- Qangali nalunngilarput USA nunatsinnik ukiorpassuarnik atuisoq, 1 ørinnguamilluunniit akiliinani, Nuummi naapitatta ilaat Kristian Nielsen oqarpoq.
![Kristian Nielsen Kristian Nielsen](/sites/default/files/styles/image_934x467/public/article_images/voxpop_til_web_subclip.jpg?itok=djmilM8I)