Oqalliffik: Uuliasiornermut aatsitassarsiornermullu periusissaq piviusorsiortuua?
Aatsitassarsiornikkut uuliasiornikkullusuliat ukiuni aggersuni ingerlarsussasut, aatsitassarsiornermut naalakkersuisup, Jens Erik Kirkegaardip, uuliasiornermut aatsitassarsiornermullu periusissiassaatut siunnersuummini aallaavigaa.
Ima ingerlarsortigisoqassasoq isumaqarpoq, allaat Aatsitassarsiornermi Aningaasaateqarfik 2060-imi qannilluni 435 milliardit koruuninit amerlanerusunik aningaasaateqalersimassasoq.
Apeqqutaavoq, Naalakkersuisut tipsimi ilumut eqquisimanersut imaluunniit piviusorsiunngitsumik, innutaasut pakatasissutigiumaagannik, anguniagassissimanersut.
Nunamineralsip pisortaa Ole Christiansen qulanngilaq.
- Periusissami aallaavigineqartoq isumalluarfiuallaaqaaq, suliareqqittariaqarpoq piviusorsiortumillu pissusiviusunut tulluarsarlugu suliaralugu, oqarpoq.
Kalaallit Nunaata uuliasiornermut aatsitassarsiornermullu periusissiassaat KNR-imi Oqalliffimmi sammineqassaaq, aatsitassarsiornermut naalakkersuisoq, Siumumeersoq Jens-Erik Kirkegaard Inuit Ataqatigiillu Inatsisartuni politikikkut oqaaseqartartuat Aqqaluaq B. Egede peqataasoralugit.
