Assi: KNR

Oqaatsitigut kukkuneq Naalakkersuisut isumaqatigiinnerannut annaassisoq

Inuit Ataqatigiit danskit pisortat ingerlatsinerannit paasitinneqarsinnaatitaanermut inatsisaata atuutilerneqarnissaa akerleriniaraluarpaat, siunnersuullu tunuartinneqarmat nuannaarutigaat.

Paasitinneqarsinnaatitaaneq pillugu inatsit upernaaq manna ataatsimiinnerni oqaluuserineqartussaajunnaarnera, Inuit Ataqatigiinni nuannaarutigineqarpoq.

Inatsit taanna danskit pisortat ingerlatsinerat pillugu paasitinneqarsinnaatitaanermut inatsisaat danskit maani akisussaaffigisaanut aamma atuuttussaavoq. Tassa politiini, eqqartuussiveqarfinni allanilu nunatsinnit akisussaaffigineqalinngitsuni atuuttussanngussalluni.

IA suli tapersiinngilaq

Siunnersuut naalakkersuisoqatigiinni avissaartuutsitsivoq. Siunnersuut ukioq ataatsimiinnermi qaqinneqarmat Inuit Ataqatigiit tapersiinngilaq, sulilu tapersiiniarnatik.

- Naalakkersuisooqataalinnginnitsinni akerleralugit taasiffigisarsimasagut naalakkersuisooqataaleratta akerlerisarumaarlugit naalakkersuisooqatigeeqatigut ilisimatinnikuuagut, Inuit Ataqatigiinni oqaaseqartartoq, Bendt B. Kristiansen oqarpoq.

Siunnersuut ullormi tassani oqaaserneqartussanngorlunilu kalaallisuunngortinneqarnerata oqaatsitigut aaqqiagiinngissutaanera peqqutigalugu tunuartinneqarpoq.

Nutserneqarnera oqallisissarlu ukiaq ataatsimiittoqarneranilli piareerneqarsimagaluartoq oqaatsitigut kukkuneri aatsaat paasineqarput.

Imarisaani allanngortoqanngilaq

Siunnersuut allanngortinneqanngilaq, ataatsimiinnermili maannakkut atulersinneqalinnginnera Inuit Ataqatigiinniit nuannaarutigineqarpoq.

- Isumarput allanngorsimanngilat taamaattumik aamma allatut taasinissamik isummersimanngilagut naalakkersuisooqataalernerput tunngavigalugu.

Inuit Ataqatigiit politikkikkut oqaaseqartartuat, Bendt B. Kristiansen taama oqarpoq.

Inatsiseqarnermut ministereqarfiup nalunaaruteqarneq tusaatissatut tiguaa naalagaaffiullu sinniisua Inatsisartunut inatsisissatut siunnersuutip nutserneqaqqinnissaanik qinnuiginiarlugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat