Oqaatsit qulingiluat atorlugit naalagialerput
Ukiorpassuarni nunani avannarlermiut Nuummi naalagiaqatigiittarsimapput. Ineriartornerulli juullilernerani ileqqoq taanna qaangersimavaa. Maanna taaneqartarpoq nunanit tamalaaneersut naalagiaqatigiinnerannik, palase Aviaaja Rohmann Pedersen KNR-imut ilisimatitsivoq.
Atuaasoqassaaq kalaallisut, qallunaatut, norskisut, savalimmiormiunut, islandimiusut, franskisut, tuluttut, tyskisut kiisalu portugiisut.
Nunat avannarliit naalagiaqatigiittarnerisa peqataaffigineqarnerat annertusiartorsimavoq nunatsinnut nunasisut nunanit tamalaaneersut amerliartornerat ilutigalugu.
- Biibilimit "Atuagassat qulingiluat"-nit atuaasoqarumaarpoq, Aviaaja Rohmann Pedersen oqarpoq.
Atuaanerit tussiaqatigiinnerillu saniatigut tussiaqattaartoqarumaarpoq tassani Nordisk Koncertkor tussiaqattaarumaarmata.
Naalagiaqatigiinneq pissaaq Annaassisitta Oqaluffiani sapaatiuppat nalunaaqutaq 16.00.