Oqaatsit pillugit oqallinneq Danmarkimi akuliuffigineqarpoq
Inuit oqartussaaqataanerannik ilisimatuup Ole Spiermannip, Inatsisartut atatsimiinneranni kalaallit oqaasii kisimik atorneqarneqarsinnaaneranik inatsisitigut misissuisimanera, danskit aviisiisa ilaanni Berlingske Tidende-mi ullumi saqqummersumi allaaserineqarpoq.
Namminersorlutik Oqartussat inatsisaat imaluunniit nunat tamat naalaagaaffiisa inatsissaat malillugu, inatsisartut ataatsimiinneranni kalaallisuinnaq oqalussinnaaneq ajornaquteqanngilaq.
Ilisimatuup Ole Spiermannip misissuisimanera Dansk Folkepartiimit qulaarnartoqartinnqarpoq.
Ilisimatuussutsikkut misissuisitsineq partiimit Siumumit suliakkiussaasoq, inatsisartut ataatsimiinneranni qallunaatut oqalussinnaanerup inerteqqutaalernissaannik partiip Siumup kissaateqarneranik aallaaveqarnerarlugu Dansk Folkepartii oqarpoq.
Naalagaaffeqatigiinneq atuutsillugu kalaallit inuiaqatigiit qallunaanut ilaapput, Dansk Folkepartiip Kalaallit Nunaat pillugu oqaaseqartartua Søren Espersen oqarpoq, taassumalu malugiarpaa sinnersuut partii Siumut kisimiilluni siunnersuutigigaa.
Kalaaleq folketingimut qinigaasoq qallunaatut oqalussinnaanngippat tamanna ajunngilluinnarpoq, folketingip oqaluttuarfiani kalaallisut oqalukkuni. Folketingimi ataatsimiinnermi kalaallisut paasisinnaanngitsut siutequserlutik nutserneqarnerat tusarnaarsinnaavaat, Søren Espersen aviiisim Berlingske Tidendenmi taamatut issuarneqarpoq.
