Oqaatsit pillugit inatsisissami aningaasat atortullu amigaataapput

Oqaatsit pillugit peqatigiiffimmi GLDK-mi siulittaasoq oqaatsinut politikki ulluni makkunani Inatsisartuni upernaakkut ataatsimiinnermi oqallissutigineqartoq pillugu oqarpoq.

- Inatsit oqaatsinut politikki, atuarfiit suliffeqarfiillu kalaallit oqaasiinik atuinermik salliutitsinerulernissaannik imalik ajunngilaq. Kisianni aamma iluatsittumik ingerlassappat aningaasartaqartariaqarpoq, tassami ilinniartitsinermut atortussat sakkussallu piareersimasariaqarput.

Aamma inuiaqatigiit ilikkartariaqarpaat kalaallisut oqallorluttunik illaruaatiginnittarunnaarnissartik, akueriinnarlissuk kinaluunniit kukkusinnaasarmat Jeanette Holding oqarpoq.

Oqaatsinut politikkissap ilusinikkiartuaarnerani GLDK naapertorlugu oqaatsit pillugit suliniutit aallartereerneqarsinnaagaluarput.

-Soorlu seminariemi kalaallit oqaasii nunat allamiut oqaasiitullu ilinniarneqarsinnaanerat pingitsoorani periarfissaanissaa periarfissanngortinneqarsinnaagaluarpoq.

Oqaatsit pillugit peqatigiiffiup GLDK-p siunnersuutigaa atuagaaqqat Pixiboginik taaneqartartut, tv-kkut radiokkullu meeqqanut aallakaatitassiat nuannarineqarnerpaat Kalaallisut qallunaatullu allassimasalissasut, taamaasilluni oqaatsinik ilinniarnissaq piuminarnerussammat, Jeanette Holding oqarpoq