Oqaatsit naqqissorneqarsinnaapput

Oqarput Kalaallit Nunaata Radioatigut pilluaqqussutit kinaassusersiutaat kukkusimappata naqqissorneqarsinnaasut.

Oqaasileriffimmi atorfillit arfiniliusut oqaatsit pillugit sukumiisumik ilinniagartuut ippassaq Qanoruukkut sammineqartoq, tassalu Kalaallit Nunaata Radioatigut pilluaqqusinermi kinaasusersiutinik kukkulluni atuinerit, soorlu; uagut illit pilluaqquatsigit, assavatsigut, uffa asavatsigimik allassimasussaagaluaq, oqaluuserereerlugu ima ilisimatitsipput.

- Oqaatitsigut politikkimi aaliangersakkat naapertorlugit naqitat allatat suulluunniit, kalaallit oqaasiisa allattaasiisigut aaliangersakkat naapertorlugit ingerlasassasut aaliangersarneqarnikuuvoq. Takusinnaasakka naapertorlugit, pilluaqqussut allakkatigut nassiussaagami, allagaalluni, taava allattaatsip maleruaqqusai naapertorlugit kukkuneqanngittussaavoq, taama oqarpoq Nuka Møller, Oqaasileriffimmi atorfilik.

Aamma Carl Christian Olsen, Oqaasiliortut sinnerlugit erseqqissaavoq, ” asavatsigut” kikkut tamarmik paasissagaat ”illit asavatsigut”, taamaatumik tamanit paatsoorneqarsinnaammat iluarsineqassasoq.

Ilanngutassiaq Qanorooq unnugu aallakaatinneqalerpat takuneqarsinnaassaaq.