Oqaatsit aporfiusarnerat EPi-mit ippigineqarpoq
Naak oqaatsinut inatsimmi ima allaqqasoqaraluartoq "Kalaallit oqaasii tassaapput Kalaallit Nunaanni pisortatigoortumik oqaasiusut pisortatigullu ingerlatsinermi atugaasut." KIIIN-imi oqaatsinut inatsit malinneqanngilaq.
- Namminersorlutik Oqartussani Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoqarfimmi sullissisuusut kalaallisut oqalussinnaanngillat, Eqqumiitsuliornikkut Pinngorartitsisut Ingerlatsisullu kattuffianni, EPI-mi siulittaasoq Leif Immanuelsen oqarpoq.
Taamaattumik EPI-mi ilaasortat Namminersorlutik Oqartussanut saaffiginninnerminni kalaallisut sullinneqartarnissaat kattuffimmit pingaartinneqartoq, Leif Immanuelsen oqarpoq.