Oqaatsinik ilinniarfik nittartakkakkut
Inuktitut oqaatsit qarasaasiakkut ilinniarneqarsinnaalerput. Tuluttut oqaasillit Inuktitut oqaatsinik ilinniarfigisinnaasaat, internetimut attaveqarlutik Inuktitut oqaatsit pingaarnerit nipitalerlugit ilinniarneqarsinnaanngorput.
Iqalunniittoq oqaatsinik kulturimillu tunngassuteqartunik sullissivik, Pirurvik Centre, nittartakkamik pilersitsisuuvoq, taamaasillunilu Inuktitut oqaatsinik nittartagaq aqqutigalugu ilinniarusuttunut periarfissiisoqarpoq.
Oqaatsillu ilinniarneqarsinnaasut kalaallit oqaasiinut assingoqaat:
Kaffisorusuppit, tiitorusuppit, imerusuppit? Inuktitut oqaatsit kalaallit oqaasiinut assingoqaat. Aamma uatsitut naaggaarlutillu angertarput.
Aamma timip pisataasa taagutaat kalaallit oqaasiinut assingoqaat.
Oqaatsit oqariartaatsillu assigiinngitsut 600-t sinneqartut, nittartakkami ilinniarneqarsinnaapput.
Nittartakkatigut iserfissaq taanna tallimanngormat aallartinneqarpoq.
www.tusaalanga.ca –mik pilersitsiniarneq ukioq ataaseq ingerlasimavoq, Nunavumilu naalakkersuisut siunniussaat tassaavoq Inuktitut sullissinerni tamani pisortatigoortumik aappaagu atugaalernissaa.
