Assi: Oqaasileriffik

Oqaasileriffiup nunat avannarliit killiit oqaasilerisui suleqatigilerpai

Oqaasileriffimmiut nunat avannarliit killiit oqaasilerisui suleqatigilerpaat, Oqaasileriffik tusagassiorfinnut nalunaaruteqarluni taama allappoq.

Islandip ilisimatusarfiata ilaata Vigdis Finnbogadóttir Instituttip aaqqissugaanik nunat avannarliit killiit oqaasilerisui siunissami suleqatigiissutigisassat pillugit eqqartueqatigiinnissamut qaaqqusimavai.

Aaqqissuussineq ataasinngornermi marlunngornermilu ingerlanneqarpoq, qulequtaralugu Avannaamioqatigiit killiit oqaatsitigut kulturikkullu naapinnerat.

Ataatsimeersuarnermi nunat avannarliit killiit peqataaffigisaannik arlalinnik suleqatigiissitaliortoqarpoq, taakkulu oqaatsit pillugit misissuinerminni paasisaminnik Reykjavikkimi Nunarsuarmi Oqaatsinut Qitiusoqarfiup aappaagu apriilimi ammaanersiorneqarnerani saqqummiussissapput.

Nunarsuarmi Oqaatsit Qitiusoqarfissaat nunarsuarmi oqaasilerisunik tusaamasanik siulersuisoqalereerpoq, taakkulu aamma Reykjoltimi ataatsimeersuarnermi peqataapput.

Ataatsimeersuarnermut nunatsinnit qaaqqusat tassaapput Oqaasileriffik aamma Ilisimatusarfik, taakkulu oqaatsivut pillugit saqqummiussaqarput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl