Oqaasileriffik: Oqaatsit ataavassagunik nutartertuartariaqarput

Kalaallisut oqaatsivut nalitsinnut naleqqussarlugit siuarsarniaraluarlugit Inatsisartut tapersersortaanngippallaarput. Oqaasileriffimmi taama isumaqarput. Ullumi Ilitsoqqussaralugu Oqaatsit ulluanni kajumissaarutigaat siunertat kussánartut timitaolerneqaqqullugit.

-Fiili una toqqulaaruk, spil-i una downloadilaarniarpara il.il.

Taama oqalunneq nalinginnaaleriartuinnassaaq ooqaatsinut politikki Inatsisartut 2001-mili akuersissutigisaat timitalerneqanngippat, Nuka Møller oarpoq.

-Inuusuttut kalaallisut oqalunneq nakeriunnaarsinnaavaat oqaatsit atorfissaqartitatik kalaallisut nassaarisinnaanngikkunikkik, taamaattumillu teknikikkut oqaasersiat kalaallisuunik taaresreosrnissaat nukinginnarpoq.

Oqaatsit pillugit politikki 2001-mi ukiakut Inatsisartunut saqqummiunneqartoq suli timitalerneqanngilaq, tamannalu arlalitsigut uggornartuusoq Nuka Mølle isumaqarpoq.

-Oqaatsitta pingaartinneqarnerujussuat aningaasanik timitalerneqartartuuppat nuannissagaluarpoq, taava qinikkat angorusutaat angusinnaassagaluarpagut, Nuka Møller oqarpoq.

Oqaasersiat taartissaannik katersineq suliffeqarfiit suleqatigalugit ingerlanneqarpoq, Oqaasileriffillu kajumissaarivoq suliffeqarfinni sulisut suleqatigiillutik oqaatsinik namminneq suliffimminnut tunngasunik kalaallisuunngortitsissasut.

Oqaatsit pillugit politikki 2001-mi Inatsisartuni akuersissutigineqartoq tamakkiisumik timitalerneqassappat 3 mio. kr.-it atorfissaqartinneqarput.