Oqaaseqaqqusiunnaarneraaneq pillugu suli oqallipput

Suliffeqarfiit Namminersorlutik Oqartussanit pigineqartut Naalakkersuisunit politikkikkut aqunniarsarineqanngillat. Inuit Ataqatigiit politikkikkut oqaaseqartartuat Juliane Henningsen taama oqarpoq.

Allamut saasaariniarpaluttutut, pasinarsaariniarpaluttutut asuli oqaluttutut pasilliinerit sapaatip-akunnerup massuma naanerani imaaginnavipput.

Siumup siulittaasuata Aleqa Hammondip Attaveqarnermut naalakkersuisoq Jens B. Frederiksen, Nukissiorfiit pisortaanik nipangersaaniartutut tallimanngormat pasillerpaa, assersuutigalugu Nukissiorfinnut tunngasunik paasiniaaniaraanni Inatsisartunut Naalakkersuisunulluunniit saaffiginneqqaartarnissamik oqariartuuteqarneq isornartorsiorlugu.

Pissutsilli qangalili taamaattut, Juliane Henningsen oqarpoq:

- Suliffeqarfinnit oqaaseqaqqusiunnaartoqanngilaq, aamma politikkikkut aqutsinerulertoqanngilaq. Tamat oqartussaaqataanerat illersorparput, ilisimatitseqatigiinnermik tunngaveqarluta suleqatigiippugut, Juliane Henningsen Radioaviisimut oqarpoq.

Namminersorlutik Oqartussat suliffeqarfiutaanni pisortanik nipangersaasoqarsimaneraaneq Juliane Henningsenip eqqarsarnartoqartippaa:

- Nipangersaasoqarsimassappat tamanna eqqarsarnartoqartippara. Inatsisartuusarsimasut aammalu maanna inatsisartut naalakkersuisullu akornanni suleqatigiinneq ingerlavoq. Tamanna nutaartaqanngilaq, pissutigalugu ilisimatitseqatigiineq aallaavigalugu sulisoqartarmat, Juliane Henningsen oqarpoq. Taanna Nunat Avannarliit Siunnersuisoqatigiiffiata Stockholmimi ataatsimiinnissaannut peqataajartorluni ullumi aallarpoq.

Siumup siulittaasua Aleqa Hammond oqaaseqartinniaraluaratsigu iluatsinngilarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat