Opiumimik naatitsisarneq annertusiartorpoq

Muuamaamik upperisallit Talibanit 2001-imili Afghanistanimiit USA-p anisimmatigilli, naasut ikiaroornartunngortinneqartartut, opiumit, amerliartuinnavissunit naatsinneqartarput.

Afghanistanimi ikiaroornartumik nioqquteqarneq 2,7 milliard dollarit missaani ukiumut isertitsiviusarpoq, allatut oqaatigalugu, Afghanistanip aningaasarsiornerata pingajoraarterutaata missaanik isertitarineqartarluni.

Naasut ikiaroornartuliarineqartartut, opiumit, pillugit Naalagaaffiit Peqatigiit nalunaarusiaanni ullumi saqqummersinneqartumi atuarneqarsinnaavoq, Afghanistanimi naasut ikiaroornartuliarineqartartut aatsaat taama amerlatigilersimasut.

Naasut nunaminertami 185.000 hektaritut angitigisumi siorna naatinneqarsimasut 78 procentimik amerleriarsimasut satellitsikkut assilisani takuneqarsinnaasimavoq.

Aghanistanimi naasorissaasut inuussutigisaat illersorniarlugit opiuminik naatsiiviit ikuallanneqartarsimannginnerisa kingunerisaanik opiumit amerliartorput. Opiuminik naatitsisoqartartillugu talibanit nunani allamiunik saassusisarnissaat aningaasalersorneqartuartussaavoq,

Danmarkimi illersornissamut ilinniarfimmeersoq Peter Dahl Truelsen oqarpoq.