Ooqattaasartartoq angusarissaartoq

januaarip 29-at 2005 17:18

Sisorarluni ooqattaasarnermi aatsaat taama pitsaatigisumik Øystein Slettemark ippassaq angusaqarpoq, taanna kilometerit 20-t ujakkaarluni ingerlavai, sisamariarlunilu uneriarluni ooqattaasarluni, Italiami Antholz.

Øysteinip 20 km-ri 10 km-mit pissanganartippallaannginneruaa, ooqattaasartarnerillu pingasoriaammik amerlanerugamik.

Nuuk Biatlon Klubip pisoq pillugu ilisimatitsinermini allagaqarpoq ujakkaarnermi piffissaq sivisusimasoq, ooqattaasariarnerlu tassanngaannarnerusumik ingerlanneqarsimammat, Øystein Slettemarkilu pitsaanerit 123-t akornanni 62-siusoq.

Øystein Slettemark ooqattaasarami imassat 20-t atoramigit, arfinilleriarluni uniorpoq, eqqorniakkami qeqqa marloriarluni eqqunngitsoorpaa, milimeterimimmi uniortaramiuk, eqqorsimasuuppaguli nr. 35-tut inissagaluarmat.

- Angusaq uissuummissutigaara, ujakkaaramami oqimaatsutut misigisimagama, Øystein Slettemark oqarpoq.