One billion rising, aamma Nunatsinni
Nuummi aaqqissuussinerit assigiinngitsut ingerlanneqassapput. Ilaatigut Katuami, tassanilu savalimmiormiut Nuummi najugaqartut nunarsuaq tamakkerlugu angutit arnanik persutaanissaminnut pisinnaatitaasutut isumaqarnerinik ajornartorsiutaasoq tasiortiterlutik qitillutik malunnartinniarpaat.
Aammattaaq kalaallit politikeriisa akornaanni ajornartorsiut eqqumaffigineqarpoq. Doris Jakobsen, Inatsisartunut qinigassanngortittoq, politikerit ajornartorsiummik malunnartitsiniartut aamma ilagivaat.
-Persuttaasarneq annertuumik ajornartorsiutaavoq, persuttaanermillu peqquteqartumik toqusimasut amerlassusaat akuersaarneqarsinnaanngilluinnarpoq. Persuttaasartut piffissaq sivisunerusoq atorlugu persuttaanikkut pissusilersuutigisartagaasa allanngortinnissaat anguniarlugu oqaloqatigiinnissamik eqimattakkuutaarlunilu eqqartueqatigiinnissamik neqeroorfigineqarnissaannut piffissanngorpoq. Taamaaliornikkut inuit persuttaasartut erloqinartumik inissikkaangamik pisarnermisut persuttaanermut saannatik naleqqunnerusumik qisuariartarnissartik ilinniarsinnaavaat, Doris Jakobsen oqarpoq.
