Ombudsmandi: Sulisitsisut inissaqartitsisussaapput

Suliffeqarfiit suulluunniit sulisorisap inigisassaannut qanoq amerlatigisunik initalimmut initaarnissamut neriorsuisimappata, utaqqisoqartillugulu malittarisassat allanngorsimappata tamanna sulisitsisup niaqorluutissarigaa, inatsisartut ombudsmandiat naammagittaalliutinik pingasunik suliaqareerluni inerniliivoq.

Suliffeqarfiit sulisunut ineqartitsisarnerat pillugu inatsisartut peqqussutaat siorna allanngortinneqarmat, initaartussat pingasut eqqunngitsumik pineqarsorisut inatsisartut ombudsmandiannut suliassanngortitsisimapput.

Taakkununnga ilaalluni Nukissiorfinni atorfinissimagaluartoq, naamaginartumillu initaarsinnaanginnami Danmarkimut utiinartariaqalersimasoq. Arnallu taasuma angerlarnini nammineq akilersimagamiuk, kattuffia Danmarkimi ilinniagartuut kattuffiata Dansk magisterforenning-ip Nukissiorfiit 60.000 koruuninik taarsiissuteqaqqullugit nunatta eqqartuusivianut suliassanngortitsivoq.

Inatsiartullu ombudsmandiat naamagittaalliut pillugu suliaqarsimasoq pineqartoq pillugu inerniliivoq, sulisitsisut inissamik neriorsuisimammata, tamanna nukissiorfiit akisussaaffigissagaat, inatsisit allanngortinneqarsimagaluarpataluunniit. Tassani pissutaatinneqarpoq sulisoq qanoq amerlatigisunik initaasaneranik neriorsuisoqarsimammat, inatsiartut ombudsmandeqarfianeersoq Michael Mikkelsen oqarpoq.

Aamma atorfininnissaq pillugu oqaloqitigiinermi neriorsuisoqarsimanera tamatumani pissutaasoq inatsiartut ombudsmandeqarfianeersoq oqarpoq.

Tamannalu neriorsuineq sulisitsisup piviusunngortissimasariaqaraluaraa inatsisartut ombudsmandianeersoq Michael Mikkelsen oqarpoq.

Sulisitsisunullu siunnersuuteqarpoq sulisussarsiortoqartillugu neriorsuutit eqquutinneqarsinnaanersut ilisimangikkaanik neriorsuinaveersaartariaqartoq, tassani sulisitsisoq kinaagaluartorluunniit, imaluunniit suliffeqarfik sunaagaluartorluunniit eqqarsaatigineqarluni.

Sulisut inissamik isumagineqassagaangata amerlanertigut sulisussarsiortoqartillugu oqaatigineqartarpoq, inissaq isumagineqarsinnaasoq inatsisiusut naapertorlugit. Tamannalu aamma inatsisit allanngortinneqaraluarpataluunniit sulisitsisut neriorsuisimagaangata allanngortinniarnera ajornakusoortartoq aamma oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat