Olympiadeqarnerata nalaani aarlerisoqartariaqarnerpa?

Kina-p immikkoortortaani, Xinjiang-imi ippassaq politeeqarfimmik saassussisut ilaat marluk tigusarineqarmata nammineq qaartartuliaat sakkullu assigiinngitsut nassaarineqarput. Ippassaq saassussinermi politiit 16-it toqutaapput. Kina-mi peqqarniisaarniat saassussisarnerat qaqutigoortupilussuuvoq, Xinjiang-imili Beijingimiit 3.500 kilometerisut ungasitsigisumi saassussisoqakkajunneruvoq. Olympiadeqarneratalu nalaani peqqarniisaartoqarnissaanik ilimasuttariaqanngilagut, DR-imi tusagassiortoq Jan Larsen oqarpoq.
aggustip 05-at 2008 16:27

Xinjiang-imi nunat ukiut qulit matuma siornatigut Islam-isiortuunerusunik inoqarput, Kina-miullu amerliartornerat ilutigalugu aporaattarnerit ajornartorsiutaaleriartuinnarsimapput. Xinjiang-imi pissutsit Tibet-imi pissutsinut assersuunneqarsinnaapput, tassa Kina-miut ineriartortitsiniarlutik periusaat avoqqaarineqartarpoq. Tassa niuerniallaqqittuunertik atorluarlugu upperisarsiortut allanillu kulturillit ataqqinagit inooriaaseqalertarnerat aporaannernik kinguneqartarpoq. Kina-miuiillu nunap inoqqaavisa inooriaasaat soqutiginagit aningaasarsiornikkut siuarsimanerulertarnerat pissutigalugu Islam-isiortut tatisimaneqartutut misigisimalertarput allarujussuarmillu inooriaaseqarnerat aporaannernik kinguneqartarpoq. Nunap inoqqaavisa ilaat peqqarniisaaratik namminersulerusukkaluarput, Afghanistanimiunut, Kirgistan-imiunut, Pakistanimiunullu qaninnerusutut misigisimallutik. Tassa inuit ikittuararsuit peqqarniisaarnianut tapersersuisuupput. Danmarks Radiomiit Jan Larsen taamatut naliliivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq