Oluf Palmep toqutaanera malunnartinneqarpoq
Nunarsuarmiut svenskillu ukiut 25-t matuma siorna tupannartumik tusarlerneqarput, ministeriuneq Olof Palme filmertarfimmit anisorlu aqqusinermi allaaneqarluni inuartarineqarmat.
Sverigemi sumiiffinni amerlasuuni ulloq malunnartinneqassaaq.
Toqutaanera Sverigemi timikkut tarnikkullu ukiuni arlaqartuni sunniuteqarpoq.
Olof Palmep toqutaanerata qaquguluunniit paasineqarnissaa upperineqarunnaarpoq, tusagassiorfinnilu sammmineqarnissaa soqutigineerussimalluni.
Toqutsisua suli ujarneqarpoq. Toqutaanerata kingorna kukkussutit pissutaallutik politiit paasiniaanerat ukiut siulliit ajornakusoorpoq, ukiut 25-t matuma siorna pisup paasineqarnissaanut.
Toqutsisuata paasineqarnissaanut qanillattortoqarsimanngitsoq politiit nassuerutigaat. Toqutsisup kinaanera paasineqanngittuarsinnarpoq, mannalu tikillugu pasisaqartoqarani.
Toqutsinermut atatillugu suliaqarsimasut amerlanerit isumaqarput, toqutsinermut patsisaasoq toqutsisorlu paasineqareersoq.
Taakkua isumaqarput Christer Petterson toqutsisuusoq.
Christer Petterson toqutsisutut pisuutinneqarluni parnaarunneqarpoq, kingornali pinngitsuutitaalluni iperagaalluni.
Christer Petterson toqukkut qimagutereerpoq.
Olof Palmep uillarnerata, Lisbeth Palmep, Christer Petterson toqutsisuunerarlugu nalunaarutiginikuuaa.