OLT-mik isumaqatigiissut eqaallisarneqassasoq

OLT-nut isumaqatigiissutit tassaapput, EU-p nunanut nunasiaataasimasunut isumaqatigiissutai.

EU-p ataatsimoortumik maanna isumaqatigiissutaasa 60-it sinneqartut EU-p allaffissorneranut pisariuvallaalersimasut eqaallisarnissaannik anguniagaqarneq allannguiniarnermut tunngaviuvoq.

Taamaammat Europa-Kommissionip isumaqatigiissutit amerlassusaasa  affanngortinneqarnissaat siunnersuutigaa. Ilaatigut najoqqutassat assigiiaarnerulersinnissaat siunertarineqarpoq, EU-p allaffissornera oqilisaaffigineqarniassammat.

Tamatuma kinguneranik suleqatigiinnissamik isumaqatigiissutip immikkut allagaataajunnaarluni OLT-nut isumaqatigiissummut allagaatinut ilanngunneqarnissaa siunnersuutaavoq.

Isumaqatigiissutilli ataatsimut allassimasuutigilernerini nunarput nunani OLT-ni kisiartaalluni ersarissumik taaneqarpoq.

Siunnersuut Europap Siunnersuisoqatigiivinut EU-llu inatsisartuinut isumaqatigiinniutissatut akuerisassatullu ingerlateqqinneqassaaq, sivikinnerpaamillu 2019-imi upernaap tungaanut isumaqatigiinniutigineqassalluni.

Isumaqatigiissutissaq 2021-mit 2027-mut atuutissaaq.