Politikki Inuussutissarsiutit

Olsvigip taarseraattoqarpallaannginnissaa kissaatigaa

Aalisarnermut politikki nunatta aningaasaqarneranut pingaaruteqartorujussuuvoq, taamaammat politikkip iluani siunnerfiup ersarinnerunissaa pisariaqarpoq, soorluttaaq naalakkersuisuni paarlaattoqaqattaarnera arlerinartuusoq. Illuatungiliuuttut Inuit Ataqatigiit taama isumaqarput.

Allattoq Jonas Løvschall-Wedel

maajip 23-at 2016 18:00

Nutserisoq Connie Fontain

- Soorunami inuttaata tunngavilersuutai paasilluarpagut, pissutsillu piviusut tassaapput, kingumut qiviarutta 2013-imiit maannamut sisamassaat naalakkersuisutut massakkut nutaatut ivertinneqarpoq, suliassaqarfimmi nunatsinni inuussutissarsiornikkut aningaasarsiornikkullu pingaarnerpaatut inissisimasumi.

Inuit Ataqatigiit siulittaasuat Sara Olsvig taama oqarpoq.

Aamma atuaruk Jeremiassen naalakkersuisunngorpoq

Aalisarneq aningaasaqarmut pingaaruteqarmat tamatumani patajaassuseq, Sara Olsvigip ujartorpaa. Aamma aalisarnermut inatsisip suliarineqarnerata sivisunaarnera tikkuarlugu soorlu aamma aalisarneq pillugu ataatsimiititaliarsuup 2009-imi kaammattuutigisaasa atuutsilernissaat suli amigaataanerat oqaatigalugit.

Ataatsimut isigalugu aalisarnermut politikkip siunnerfiata ersarinnerunissaa Sara Olsvigip amigaatigaa.

Tassungalu atatillugu Nikolaj Jeremiassenip tassani naalaakkersuisutut aalajanngiunneqarnera eqqumiigaa.

Tamannami Nalaakkersuisut aalisarnermut politikkimik aaqqiissuteqartussanngornerat takussusiivoq.

- Maluginiagarput tassaavoq naalakkersuisoq tunuarpoq, taava inuk massakkut naalakkersuisunngortoq aamma tassaavoq, politikkikkut naalakkersuisut ingerlatsinerannut apeqqusiisarsimasoq annertuumik.
Sara Olsvig taama oqarpoq.

Aamma atuaruk Jeremiassenip Enoksen neriullualersippaa