Olsvig Odensemut ullumi tikeraassaaq

Sara Olsvig Inatsisartut ukiakkut ataatsimiinnerannut atatillugu sulinngiffeqareerluni Folketingimut utersimalerpoq. Ullumikkullu Chistiansborg qimalaarlugu Odenseliarniarpoq unnugu ataatsimiisitsissalluni, ilaatigut Folketingimi sulinini aammalu kalaaliulluni Danmarkimi inuuneq eqqartorneqassallutik.
Allattoq Peter Troelsen, Simon Uldum
decembarip 09-at 2013 08:54

Olsvigip Folketingimi sulinermini inunnik isumaginnermut tunngasut, pingaartumillu kalaallit Danmarkimut nuuttartunut tunngatillugu, sammisarlugit. Kalaallinut isumaginninnikkut ikiortarialinnut suliniutit satspuljemit aningaasalersorneqarput, suliniutilli ataasiakkaat ukiunut arlalinnut aalajangersimasumik aningaasalersorneqarnissaat periarfissaqalersimavoq.

- Innuttaasut amerlassusaata appariartornera ernumanartortaqarnera qularusissaanngilaq. Inuit nuuttarnerannut suna pissutaanesoq, aammalu angerlarusuttut angerlarnissaannut pitsaanerusunik periarfissaqartinnissaat misissotariaqarparput. Taamaammat inuit isumaat unnugu susaassallugit qilanaaraakka, Sara Olsvig oqarpoq.

Unnugu ataatsimiinnissaq Nunat atlantikup avannaamiut illuanni, Kaallit Illuutaata initaarfigisimasaani ingerlanneqassaaq. Nal. 19-imit 21-ip tungaanut ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq