Olof Palmemut tunngasut paasisat nutaat
Sverigemi statsministeriusimasup, Olof Palmep 1986-imi februaarimi unnukkut toqutaasup toqutsisorisimasaa Svenskit atuagassiaata Filterip ukiuni aqqaneq marlunni misissuiffigereerlugu saqqummiuppaa.
Tassa angut Skandiamannenimik taaguuteqartinneqartoq - Svenskit tusagassiorfiini siusinnerusukkut sammineqartarsimasoq, atuagassiap saqqummiupaa.
Palme ukiut 32-t matuma siorna toqutaammat angut pineqartoq toqutsiffiusumiissimavoq. Toqutsisoqareersorlu angut taanna politiinut siulliit ilagalugit isiginnittutut oqaloqateqarsimavoq, taamanikkullu toqutsinermut pasisaasimanani.