Nalornisoqaraluartoq piianeq unitsinneqassagaluarpat tassani sulisut 25-it allamik suliffittaarsinnaanissaat neriunaateqarsinnavoq.
Tuluimmi aatsitassarsioqatigiiffiat London Mining Nuup eqqaani Isuani saviminissamik piiaanissamik pilersaaruteqarpoq.
- Nuup eqqaani Isuani piiaasoqalissappat Seqimi sulisut allallu 500-it sulilersinnaasut, Aatsitassanut Ikummatissanullu naalakkersuisup Ove Karl Berthelsenip oqaatigaa.
Isuani saviminissamik piaasoqalissappat inuit 500-it sulisorissangatinneqarput.
-Aatsitassanik piaaffinni sulisooreersut piaaffinni allani sulisinnaanissaat naatsorsuutigilluinnarpara, Naalakkersuisunut ilaasortaq Ove Karl Berthelsen taama inatsisartunut ilaasortamut Karl Lyberthimut Siumumeersumut paragaraf 36 atorlugu apeqquteqaataanut akissuteqarpoq.
Aatsitassarsioqatigiiffik Minelco Seqinnersuusami aatsitassamik olivinimik piaalluni 2005-imi aallartippoq. Ukiut tallimat ingerlanneranni olivin 1,7 million tonsinik annertutigisoq piiarneqarpoq.
Olivinip piaarneqarneranut aningaasat kaaviaartinneqartut ikiliartuinnarsimanerat aatsitassarsioqatigiiffiup Minelcop nassuiaateqarnera malillugu olivinip Europamut assartorneqarnerata akisuallaalersimaneranik pissuteqarpoq.