Olivinimik piiaaneq ukiuni 30-ni qulakkeerpaat

Maniitsup kommuniani Niaqunngunami aatsitassamik Olivin-imik piaasoqarnissaanik akuersissummik Seqi Olivine A/S naalakkersuisuniit nalunaarfigineqarpoq.

Seqi Olivine A/S ukiuni 30-ni iluaquteqarniarnissamik akuersissuteqarfigineqarpoq, piiarneqartussaq Olivin tassaavoq Europami saviminernik suliaqartarnernut atorneqartartoq.

Ingerlatseqatigiiffiup ilimagaa ukiumut 1,1 mio. tons piiarneqartassasoq, sivikinnerpaamillu ukiuni 25-ni piiassoqarnissaa naatsorsuutigineqarluni, imaluunniit ukiuni 50-ni piiasoqariaanaasoq aamma oqaatigineqarpoq.

Seqi Olivine A/S Nuummi angerlarsimaffeqarpoq, Crew Gold Corporation A/S-miit aqutatut ingerlatseqatigiiffiulluni, taannalu Nunatsinni Guldtisiorfimmi nalunami, Nalunaq Gold mine A/S-mi pingaarnertut aktiaateqartutut oqaatigineqarpoq.