Olga P: KNI aqqutigalugu qimmit nerisassaqalersinnaapput

Qaanaami qimmit perleralernissaat pinngitsoortinniarlugu KNI suleqatigineqarsinnaasoq Olga P. Berthelsen, Inuit Ataqatigiinneersoq, isumaqarpoq.
novembarip 26-at 2011 15:55

- Qaanaami qimmit annikinnerpaamik, silap peqqutigisaanik perleralersut ikiorsiiffiginiarlugit, KNI qanoq suleqatigineqarsinnaava? Olga P. Berthelsen paragraf 37 naapertorlugu apeqquteqaammini ilaatigut taama allappoq.

Qaanaami eqqaanilu qimmit 400-500-t missaanniittut Olga P. Berthelsenip apeqquteqaammini innersuussutigai.

- KNI aqqutigalugu qimmit nerisassaqartinneqarsinnaanissaat isumaqarpunga periarfissarsiuunneqarsinnaasoq inuussutissarsiorneq, soorlu takornarianik sullissisarneq ajutoorluinnassanngippat, Olga P. Berthelsen ilaatigut taama allappoq.

Ukiormannamut aaffattassiissutit 64-iusut qaffanneqarnissaat Qaanaami piniartut suli neriuutigaat, taamaaliornikkut qimmiminnik nerukkaatissanik namminneerlutik pissarsisinnaalissagamik.