VIDEO Olep nuliani persuttartarsimagaa
Alliaq persuttaasartunut kamassartartunullu katsorsaanissamik neqorooruteqarsinnaanngorpoq. Persuttaasarsimasut ilaat Ole Jerimiassen ikiorneqarnini iluaqutigisimavaa.
Allattoq Aaqqissuisoqarfik / Redaktionen
novembarip 23-at 2016 13:54
Ole Jerimiassen nuliaminik persuttaasarnikuusimavoq. Nuannarinngisaminik pisoqaraanga nukini atorlugit qisuariartarsimavoq. Kamattarninimi aqussinnaasimanngilaa, naak pitsaasumik aappariinnissamik asaqatigiinnermillu kissaateqaraluarluni. Maannali tamanna qaangersimavaa.
Qanoruup ilanngutassiaani ajornartorsiutini qanoq qaangersimaneraa takuuk:
Nunatsinni arnat 62 procentiisa inuunerminni persuttagaaneq misiginikuuaat. Tamannalu akiorniarlugu Naalakkersuisut suliniummik pilersitsipput. Inuit kamassartarnermik ajornartorsiuteqartut aappaminnillu persuttaasartut unitsinniarlugit katsorsarneqarsinnaanerannik neqeroorut nutaaq Alliamik taaguuteqartoq ippassaq saqqummiunneqarpoq.
