Ole Samsing: Eqqunngitsumik iliuuseqartoqanngilaq

Ingasattajaarlutik uumasunik illersuiniaqatigiit, WSPA Kalaallit Nunaanni pisiniarfissuarni nunani allamiunut arferup neqaanik tuniniaasoqartarnerarlugu ippassaq isornartorsiuipput, oqarlutik arferup neqaa nunaqavissunut taamaallaat tuniniaqqusaasoq.
Allattoq Elisa Isaksen
juunip 18-at 2008 07:45

- Taamatut tuniniaasoqarsimappat tamanna ajunngilaq, taama oqarpoq Danmarkip arfanniarnermut kommissæria Ole Samsing naalagaaffeqatigiit sinnerlugit arfanniarneq pillugu isumaqatigiinniartartuusoq.

- Kalaallit Nunaanni eqqunngitsumik iliuuseqartoqanngilaq, tassami nunani allamiunut arferup neqaanik tuniniaaneq inerteqqutaanngilaq aamma Kalaallit Nunaat arferup neqaanik nunanut allanut tuniniaaneq ajorpoq, Ole Samsing Ritzauimut oqarpoq.

Nutaarsiassaqartitsivik Reuters naapertorlugu WSPA-p aamma isornartorsiorpaa arferup neqaa 15 tonsi ukiuni kingullerni marlunni arfattarineqarsimasuneersoq suli tunineqarsimanngimmat. Oqarlutik pisiniarfissuarni arferup neqaanik 2006-imeersunik nassaarsimallutik.

Ole Samsingip WSPA arferup neqaanik pisoqaavallaartunik nassaarsinnaasimammat nersualaarpaa. Kalaallillu oqartussaasut tamanna iliuuseqarfigissaqqaaraat oqaatigalugu.

Kalaallit Nunaata tikaagullinnik 200-t missaanniittunik pisassinneqarnissaa, Arfanniarneq pillugu Ataatsimiititaliarsuaq sapaatip akunnerani tulliuttumi Chilemi ataatsimiilerpat oqallisigineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq