Ole Mølgård Motzfeldt Kujataani kommunit kattunnissaanut ataqatigiissaarisutut atorfinitsinneqarpoq

Kujataani kommunit kattunnissaanut ataqatigiissaarisussatut Narsap kommunaldirektøria, Ole Mølgård Motzfeldt, 2008-p naanissaata tungaanut atorfinitsinneqarpoq.
novembarip 16-at 2007 06:34

Ole Mølgård Motzfeldt kommunaldirektøriunermi saniatigut ataqatigiissaarisutut ukioq ataaseq sinnerlugu atorneqarpoq, tamannalu pissutaalluni ataqatigiisaarisussatut qinnuteqartut sisamaasut akornanni toqqarneqartoq oqaatigineqarpoq.

Kujataani aatsitassarsiorneq angallannerlu pillugit februaarip qaammataani isumasioqatigiinissaq, kiisalu Kujataani kommunit kattunnissaanut paasititsiniaalluni ataatsimiititseqattaarnissat upernaaru ingerlanneqartussat, suliassatut pingaarnertut isigalugit Ole Mølgård Motzfeldt oqarpoq.

Narsami kommuneingenør Steffen Rosing Berthelsen Narsap kommuniani kommunaldirektørinngorallarpoq.