Ole Espersen: Namminersorneq ikaarsaariarnertalerlugu pisariaqassaaq

Kalaallit Nunaat piumaguni Danmarkimut aqagumiit atajunnaarsinnaavoq, tamanna isumaqatigiissutigineqarpat. Taama isumaqarpoq inuiaat pisinnaatitaaffi pillugit ilisimatooq, nunattalu Danmarkimut ilanngutsinneqara pillugu atuakkiani marlunnut saqqummeqqammersuni atuakkioqataasoq, professori Ole Espersen. Danmarkip nunattalu ukiorpassuarni naalagaaffeqatigiissimanerat pissutaalluni, nunatta namminersulernissaanut ikaarsaariarnermik aaqqissuussisoqartariaqartoq Ole Espersen isumaqarpoq.

- Nalaagaaffeqatigiinnermi naligiissutut inissimanngikkallaramilli nunat taakku qanittumik attaveqarsimanerat eqqarsaatigissagaanni, pissusissamisuunngilaq Kalaallit Nunaat ikaarsaariarnerataqanngitsumik namminersulersinneqassappat, Ole Espersen oqarpoq.

Namminersulernissalli qaqugu pinissaa, aqagu, ukiut sisamat qaangiuppata imaluunniit siunissami ungasissumi, politikkikkut aalajangerneqartariaqassaaq.

-Inuiaat pisinnaatitaaffii naapertussagaanni piumasaaqaatavoq namminersulissasoqartillugu ikaarsaariarnermik aaqqissuussisoqarnissaa, nunat marluk pineqartut akornanni sivisuumik attaveqatigiinneqarsimappat, Ole Espersen oqarpoq.

Ikaarsaariarnermillu aaqqissuussinissaq Danmarkiinnanngitsoq aammali nunatta Savalimmiullu suleqataaffigisariaqaraat Ole Espersen isumaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat