Tallimanngorpat aallartittumik Italiami Torinomi OL-eqarnissaani Martin Møller peqataassanngikkaluartoq, allanik peqataasussarpassuaqarpoq.
Siusinnerusukkut peqataasarsimanngitsut ukiuunerani OL-imut peqataassapput, tamakkununnga ilaallutik Afrikameersut, ilaat siornagut aputikkoorsimagunanngivissulluunniit.
Nunanit Afrikamiittuni piumasarineqartut suunngingaarmata misilittagaqanngitsut sangusaarnernut peqataasussanngorput.
Afrikamiut sisaraatinik unammeqataasussat naalagaaffeeqqat Ghana Marokko Algerialu sinnerlugit peqataassapput.
Kwarme Ache-ampong Ghanameersoq sisoraatinik sangusaarnermut Tuluit Nunaanni sungiusarsimavoq, OL-milu unammeqataanissamini marlunnik anguniagaqarpoq, tassa ilaaruaatigineqannginnissani kiisalu ammip qalipaataa tunngavigalugu inunnik immikkoortitsisarnerup unitsinneqarnissaa.