Savalimmiormiut kalaallillu timersortartui nunarsuarmiut timersornikkut unammiuaarnerinut OL-imut ilaasinnaasariaqarput.
Tassa tamannarpiaq pillugu nunatsinni kulturikkut naalakkersuisoq Doris Jakobsen aammalu danskit kulturikkut ministeriat Brian Mikkelsen ullaaq manna ataatsimiipput. Ministerit taakku marluk isumaqatigiissutigisaat, Torino-mi ukiuunerani OL-ertoqalerpat Olympiske komité-mut ingerlateqqinneqassaaq.
Danskit naalakkersuisoqarfiata kalaallit savalimmiormiullu OL-imi peqataasalernissaat tapersersugaraa.
OL-imut peqataasalernissamut piumasaqalerneq aallartippoq, ujakkaartartup Martin Møllerip OL-imut angusassarititaasut angoreeraluarai OL-imut peqataanissamut danskit piumasaqaataat sakkortummata peqataasinnaajunnaarmat.