OL-ip illoqarfittaani nappaalasut: Hunnorujullit tunillanneqarsimasut
Isumannaallisaanermik suliallit 1200-t OL-erfiusussamit angerlartinneqarsimapput, taakkunannga 41-t tunillanneqarsimapput. Sakkutuut 900-t isumannaallisaaniarnerit pillugit suligasuartinneqartariaqalerput.
OL-imik aaqqissuussisut taama nalunaaruteqarput.
Norovirus, Roskildesygemik aamma taaneqartartoq, tuniluutipallattarpoq, OL-imillu sulisut immikkut iliuuseqarfigineqarnerisa saniatigut assersuutigalugu Norgemiut timersortartui immikkut iliuuseqartariaqartutut misigisimapput.
- Mianersortoqartariaqarpoq, inuillu kateriffiannukarnaveersaartoqartariaqarluni, Norgemiut ujakkaartartuisa pisortaat Vidar Løfshus, ullumi taama oqarpoq.
Norgemiulli timersortartuisa akornanni suli nappaalalertoqarsimanngilaq.
Ukiuunerani OL-ertoqarnissaa Pyeongchangimi tallimanngorpat aallartissaaq, kalaallillu marluk aamma peqataassallutik.
/ritzau/NTB
