- Pissutsimmi massakkutulli iinnassappata OL-ertoqarsinnaassanngilaq, Tokyomi aasaanera OL-ertoqarnissaanut aaqqissuussisut præsidentiat, Yoshiro Mori, Japanimi tv-qarfimmut NHK-mut oqarpoq.Assi: Issei Kato/Reuters/Ritzau Scanpix

OL-imi præsidenti: Coronavirusimut aatsaat akiuussutissaqalerpat aappaagu OL-ertoqarsinnaavoq

Aappaagu OL-ertoqassappat coronavirusimut akiuussutissaqalersimasariaqartoq katsorsaateqalersimasariaqartorluunniit, aaaqqissuussisut præsidentiat oqarpoq.

Tokyomi aasaanerani OL-ip ukioq ataaseqqissaaq qaangiuppat aallartinnissaa pilersaarutaavoq.

Ippassaq aallartittussaagaluarpoq, coronavirusilli nunarsuaq tamakkerlugu tunillaassuunnerata unammiuaarnissarsuaq unitsippaa.

Aappaagulu OL-ertoqarsinnaanera suli nalorninarpoq.

Coronavirusimut aatsaat akiuussutissaqalerpat katsorsaateqalerpalluunniit Japanip illoqarfiisa pingaarnersaanni unammiuaarnissarsuit piviusunngortinneqarsinnaapput.

Tokyomi aasaanerani OL-ertoqarnissaanik aaqqissuussisut præsidentiat Yoshiro Mori taama oqarpoq.

- Pissutsimmi massakkutulli iinnassappata OL-ertoqarsinnaassanngilaq, Yoshiro Mori Japanimi tv-qarfimmut NHK-mut oqarpoq.

Taassuma OL-ip isiginnaartoqarnani aaqqissuunneqarsinnaanera massakkut periarfissaasorinngikkaa ilanngullugu oqaatigaa.

AAMMA ATUARUK Ukioq manna aasaanerani OL-ernissaagaluaq aappaagu ammarnersiorneqassasoq

OL-ip coronap atuunnerani aaqqissuunneqarnissaa Japanimi innuttaasunit nuannarineqanngilaq.

OL-ip Tokyomi aappaagu aaqqissuunneqarnissaa Japanimiut sisamararterutaannaasa isumassarsiatsialaasoraat.

Nutaarsiassaqartitsiviup Kyodo Newsip misissuititsinerata tamanna takutippaa.

OL-ertoqarnissaa kinguartinneqassasoq unitsivinneqassasorluunniit apersorneqartut 70 procentiisa kissaatigaat. Taakku isumaqarput, corona nunarsuaq tamakkerlugu ammaanersiornissaq sioqqullugu, tassa 2021-imi juulip ulluisa 23-anni tunillaassuukkunnaarsimanavianngitsoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat