Oklahomami silapilussuaq
Anorersuit kaavittuliortut maannakkorpiaq naalagaaffimmi Oklahomami aserorteripput. Kaavittuliortuni inuit ikinnerpaamik tallimat ajunaarput 58-illu aqqunartiterlutik.
maajip 11-at 2010 14:00
Anorersuit kaavittuliortut nalunaaquttap akunneranut kilometerinik 160-inik sukkassuseqarlutik nunamik aqqusaarsisimapput, biilit silaannarmut erfagiunneqartarlutik illullu uppikaatitersimallutik, Danmarks Radio taama allappoq.
Silasiortut naapertorlugit Oklahomami silapilunnersua takkuteqqissaaq.
