OECD-ip ilinniartitaanermut Departementianit natsisissaq isorinartoqartinneqanngilaq

- Nunat assigiinngitsut nammineq aaliangertarpaat qanoq aqutsisunut piumasaqaateqassanerlutik, ukiunilu kingullerni nikerarnerusumik suleriaaseqartoqalernikuuvoq, Andreas Schleicher, OECD-ip allaffiani Paris-imiittumi,Education analysis Departmentimi aqutsisoq oqarpoq.

- Nunani tamalaani namminneq aaliangertarpaat, suut aqutsisussanut piumasaqaataassanersut. Aqutsisunulli piumasaqaatit nikikkiartornerat malunnarpoq. Qangaanerusoq ilsimatusarfiit ilisimatuunit aqunneqartarput, Ullumikkulli ilisimatusarfinni aqutsisut allaffissornerusumik ingerlatsipput, tamannalu Ilisimatusarfinni takussaaleraluttuinnarpoq.

Isumaqarpungalu aamma siunissami ilisimatusarfinni amerlanerni aqutsisut ilisimatuutut ilinniartuusimassasut, kisianni allaffissorsinnaasut atorfinitsinneqarsinnaanerinut periarfissiinermi, periarfissanik nutaanik ilisimatusarfinnut aammassinerussaaq, tamannalu ajornartorsiutissanik kinguneqarsinnaasorinngilara, nikerarnerusumilli suleriaaseqarsinnaanermik periarfissiissaaq, Andreas Schleicher oqarpoq.

- Taamaattumik ilisimatusarfiit nammineq piukkussaminnik atorfinitsitinissaminnut aaliangiisinnaasariaqarput. Isumaqanngilangalu ilinniartut ernumassutissaqartut.

Ilinniartut angusarissaarnerat ilisimatusarfiillu akornanni nuuttarsinnaanerat, ilisimatusarfiup iluatsittumik inerlappat aatsaat angusaqarluarfiusinnaavoq, aqutsersullu piumasaasa tamanna sunnernavianngilaa.

Taamaattumik paasisinnaanngilara ilinniartusi inatsisissamut akerliuppata, ilisimatusarfinnimi nutaaliaasuni unamminartoq aajuna, tassa piginnaaneqartumik aqutsisumik atorfinitsitsisinnaaneq, ilisimatuutuinnaq tunuliaqutaqanngitsunik, allaffissornermilli ilisimatusarfinni suliffeqarfissuartut iluseqalernikuni aqutsilluarsinnaasumik aamma, Andreas Schleicher oqarpoq.