Odensemi pinerliiniaasorisat tigusaasut

Peqqarniisaarniatut Danmarkip iluani saassussinissamik pilersaaruteqarsimagunartut qulingiluat Odensemi unnuaq tigusaapput, taakkunanngalu arfineq-marluk killisiorneqarnerat ullumi aallartippoq.

Killisiuinerit siulliit pereersullu pingasut politiinit iperagaapput. Tigummigallagaasut tamarmik angutaapput, 18-it 33-llu akornanni ukiullit.

Politiit immikkut suliaqartartut Vollsmosemi unnuaq marlup missaani tigusarinnipput.

Peqqaarniisaarniatut pasineqarlutik unnuaq tigusaasut Politiit Isertortumik Paasiniaasartuinit piffissami sivisuumi nakkutigineqarsimapput, angutillu qaartiterutinik pissarsinissaminnut periarfissarsiorsorileramikkik tigusariniarlugit politiit aalajangerput.

Tigusarinninnissaq pilersaarusioqqissaarneqarpoq. Peqqaarniisaarniarlutik pilersaarusiorsorineqartut ilaqutaallu Odensemi politeeqarfiliaanneqaqqaarput. Inissiat tigusaasut najugaqarfii paasisimasaqarluartunik peqateqarluni kinguninngua misissoqqissaarneqarput, inuillu pingaarutillit taama pisoqareerneratigut kalerrinneqarlutik.

Politiit tigusarinnissimagaangata Vollsmose eqqissiviilliorfiusutut siusinnerusukkut nalilerniarneqartarpoq.