Odensemi nunarput samminiarpaat

Odensemi Thomas Kingop oqaluffiani palaseqarfiup illuutaani, oktobarip qaammataani, nunatsinnik sammisaqarnermi, assinik saqqummersitsisoqassaaq, oqallitsitsisoqassallunilu aamma kalaallisut nipilersortoqassaaq.
Allattoq Elisa Isaksen
oktobarip 02-at 2007 07:45

Assiliisartup Louise Fontainip saqqummersittagai alutorineqaqisut, kalaaliaqqat Danmarkiliartinneqartarallarmata assilisat angisuunngortitat 24-t saqqummersinneqassapput. Saqqummersitsinerup, sapaatiuppat oktobarip ulluisa arfineq aappaanni, ammarneqarnerani Louise Fontain assit, namminerlu Danmarkiliartitaasimanini pillugit oqalugiassaaq.

Meeqqat Danmarkimut atuariartortitaasarsimasut, qanorlu kingorna inuuneqalersimanerat, ataasinngorpat oktobarip ulluisa arfineq pingajuanni, oqallisigineqassaaq. Odensemi Kalaallit Illuat, Thomas Kingollu Oqaluffia nunarput pillugu sammisaqartitsinermi aaqqissuisuupput.

Kalaaliaqqat pillugit suliniaqatigiiffimmi, Foreningen Grønlandske Børn-imi pisortaq, Marianne Jensen, oqalugiartunut ilaassaaq. Rasmus Lyberth aamma Verner Nicolet nipilersussapput. Aamma

Thomas Kingop oqaluffiani oktobarip ulluisa 14-ianni, meeqqanut minnernut biibilimit atuffasisoqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq