Odensemi kulturikkut illorsuassaq sanariaannanngulerpoq

Odensemi atlantikup avannaata kulturikkut illussarsua – naak nunarsuarmi aningaasarliorneqaraluartoq – pilersaarutit malillugit sananeqartussanngorpoq.
Allattoq Lotte Holm
januaarip 14-at 2009 07:53

Illorsuaq islandimiut, savalimmiormiut kalaallillu kulturiannik avammut nittarsaaffiussaaq.

Illup sananissaanut Odensep kommunea ukiarli 20 millioni koruuninik immikkoortitsivoq, illorsuarlu atuleriarpat ulluinnarni ingerlanneqarnera aamma akilertarniarlugu neriorsuereerpoq.

Sulili sanaartornissaanut aningaasanik amigaateqartoqarpoq, taamaattumik immikkut ittumik aningaasaateqarfimmut qinnuteqaqattaartartussamik Kalaallit Illuutaat atorfinitsitsivoq, taannalu Islandip – aningaasaqarnermigut ajalusuunngikkallarami 1 millioni koruuninik tapiissutaasa ilaannit akissarsiaqartinneqassaaq.