Nauja Bianco Nuummi inunngorlunilu peroriartortoq naalagaaffiit pissusiinik ilisimatusarnini Aarhus Universitetimi 2004-mi naammassigamiuk Namminersorlutik Oqartussani, Danmarkip nunanut allanut tunngasunut ministereqarfiani kiisalu nunat avannarliit ministeriisa siunnersuisoqatigiiffianni Nordisk Ministerådimi sulisimavoq.Assi: Nordatlantisk Hus/Det Grønlandske Hus i Odense

Odensemi Kalaallit Illuutaat aamma Atlantikup avannaamioqatigiivisa illuat nutaamik pisortassarsineqartut

44-nik ukiulik Nauja Bianco Odensemi Kalaallit Illutaanni aamma Atlantikup avannaamioqatigiivisa illuanni aggustip ulluisa aqqarnganni pisortanngussaaq.

Kirsten Mærsk ukiuni 16-ini pisortaareerluni soraarninngoreersorlu tamanna pivoq.

Odensemi kalaallit ornittagaanni marluusuni, Atlantikup avannaamioqatigiivisa illuata ataani inissisimasuni, siulersuisut sivisuumik pisortanngortussarsioreerlutik Nauja Bianco pisortatut atorfinissasoq aalajangerput.

Taakku tusagassiorfinnut taama nalunaarput.

Nauja Bianco Nuummi inunngorlunilu peroriartortoq naalagaaffiit pissusiinik ilisimatusarnini Aarhus Universitetimi 2004-mi naammassigamiuk Namminersorlutik Oqartussani, Danmarkip nunanut allanut tunngasunut ministereqarfiani kiisalu nunat avannarliit ministeriisa siunnersuisoqatigiiffianni Nordisk Ministerådimi sulisimavoq.

Nauja Bianco namminersortutut siunnersortitut ukiut kingulliit marluk affarlu sulivoq, kulturikkut suleqatigiinneq kiisalu nunarput, Issittoq Atlantikullu avannaani nunat pillugit paasissutissanik ingerlatitseqqiineq ukkallugit.

AAMMA ATUARUK Odensemi Kalaallit Illuutaanni pisortaq soraartoq

Odensemi Kalaallit Illuutaanni siulersuisut siulittaasuat, Benny Nybo, Nauja Biancop suleqatiginissaanut qilanaarpoq.

- Atlantikup avannaani Issittumilu politikkikkut aqutsinerit inuunermilu atukkat ilisimasaqarfigilluarpai. Naujap Atlantikup avannaamioqatigiivisa illuannik ineriartortitseqqinnermi alliliinermilu suleqataajumanera nuannaarutigaara, Benny Nybo allappoq.

Nauja Bianco sulilernissaminut aamma qilanaarpoq:

- Atlantikup avammaamioqatigiivisa illuat Odensemiittoq nunatta nunallu avannarliit sullinnissaanut annertoqqutaasorujussuuvoq. Tamatumani suleqataanissara qilanaaraara, pisortanngorlaaq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat